昨晚老公幫手睇住阿囡，可以同朋友聚聚了。
今次的聚會是因為朋友快結婚了，出黎唱下水順便收帖，地點是沙田的Mr.Steak，沙田真是一個很好的聚腳點，多野食多野行，住九龍新界的朋友都方便。
之前已聽朋友說銅鑼灣那間有自助餐，蠔同蟹腳都唔錯，價錢大約$4XX，今次我們 5 個女仔叫了 4個餐，不是怕太貴，而是怕食唔晒。
好難得個個都鐘意食蠔，梗係唔好錯過叫返兩盤先啦，一盤是蘇格蘭蠔，另一盤是由淡至濃味。完全唔洗點茄汁，只係唧了少許檸檬汁，幾鮮，然後我選了第4款既濃味蠔，蠔味唔太重，但海水味係鹹d。Anyway，對於無蠔不歡既我，食了三隻已好滿足。
然後叫了蟶子、帶子、野菌湯、西冷扒、和牛、煎三文魚、海鮮盤、意大利咖啡雪芭、凍芒果梳乎里、豆腐mousses蛋糕、脆金寶蘋果批。
蟶子雖然賣相怪怪，但好新鮮；野菌湯聞落好似黑松露既臭味，但飲落又唔係喎，好好飲；西冷扒(八成熟)，好正；和牛(七成熟)，但唔知點解會熟過西冷的，而且有d "un"；煎三文魚唔腥；海鮮盤好鮮好正。
甜品部份都算ok，餐飲明明聽到睇到隔離枱杯朱古力用玻璃杯裝，然後有一舊cream的，但我地個幾杯唔知點解係用無cream兼唔係玻璃杯，飲落係某牌子既朱古力粉開的.....
整晚在開心的笑聲下結束，好開心呀!!
沒有留言:
張貼留言