B5 Gel 補水到底層

早前參加了機能瘦身療程 有 Lucky Draw，而幸運地我抽中了Bicelle Hydra B5 Gel，30ml價值$630的，之前聽 sis講呢支野好正，所以抽中那天即刻試用。

橡膠按頭，樽內還有一個隔 (唔知用黎做乜既呢)，可能我少用貴野，好少見到會咁樣包裝~~  

質地好水狀，你看﹗ 正在漏下來了....

洗完面塗上爽膚水後再搽上B5 Gel ，只需兩滴 (真的不需太多, 以免浪費)，已足夠全面使用，還可以搽眼肚眼尾添；因為是水狀，好易推開，感覺好清爽，亦好快吸收，再塗其他精華及面霜。

未用B5 Gel前，每天下午3時多，塊面就會因會太乾而出油，而家因為底層補了水，少左呢個情況發生。

抱歉我無影before after ，因底層補水呢樣野真係影唔到出黎，我遲D會買返個測試儀架啦，SORRY~~~

My Fan Page:  https://www.facebook.com/sugarlittleworld

豐富晚餐 + Facial + Hello Kitty 手鈎公仔

太耐無做facial了，終於book了今晚去悅x莊做無針導入，放工後即刻去食左晚餐先，我覺得自己有少少過份，一個人食咁多，飽到想訓覺。

之前每次做facial，美容師都話我死皮多，叫我又加做去死皮機，大既美容院就係咁，做乜都話要扣多格格仔，我已經尋日專登在家做左磨砂先，仲會有死皮？
果然沒錯，做facial去到針清黑頭位，我已經訓到昏迷咁，美容師有無同我做無針導入我都唔知，做facial最蝕就係咁，但計返個時間，應該有做既~~

返到屋企，仲收到手鈎 Kitty 公仔加鎖匙扣，但唔係咁鐘意個鎖匙扣，咁多款咁靚咁得意，偏偏抽中呢隻 >_<
 

 

 

My Fan Page:  https://www.facebook.com/sugarlittleworld

 

終於試到呢隻啫喱了

成日都好想試下市面上既骨膠原等美肌口服產品，但知道原來人體只能吸收到3%，打消了念頭了。

前排玩遊戲，咁岩得到肌C胎盤素精華啫喱試食裝(三支)，原來莎莎賣緊$19.90，據說一盒正常貨SIZE的蘊含15,000毫克胎盤素，低分子膠原蛋白、彈性蛋白、低份子透明質酸、維他命C、醘胺、燕窩精華，各種成份有咩成效就唔多講了，好多sis都應該清楚過我, hehe~~

 

三天試用裝就有6,500毫克胎盤素，食用7天即有助刷新肌膚纖維織，使膚色通透亮白。皮膚變得細節嬌柔，嫩滑紅潤，我都唔執輸又試下先，試的是芒果味。

 

我每晚在11時才食用，味道是芒果橙味，透明淡橙色的，沒有甚麼特別，就像在啜啫喱仔咁，有無修護、 美白、嫩滑效果？um….我食左三日咋，當然未察覺啦~~

My Fan Page:  https://www.facebook.com/sugarlittleworld

 

11年來第一次送情人節禮物

同老公一齊已11年了，但這麼多個年頭，對於情人節，我一般都不會特別要慶祝，好奇怪吧?! 通常女孩子們都喜歡慶祝這個慶祝那個，但我就是不喜歡給人家賺這些錢，，幾唔浪漫~~

今年突然抽起條筋，想買盒朱古力送比老公，一直都諗好送Royce，本來諗住送片裝綠茶朱古力或R粒裝朱古力，但總是與綠茶無緣，一是未返貨，二是賣晒!!

R粒朱古力，一盒十粒 $60，又好似唔係咁抵，後尾見到呢盒Nama朱古力，有好多款口味，仲有兩款係Limited Edition - 金萬利橙酒、杏仁醬加合桃酒，店員說如要酒味重D出D的，應該買咖啡朱古力、香檳朱古力或黑朱古力，明知老公鐘意酒味重D，但我又好想試下杏仁醬加合桃酒，所以按我的喜好買了，一盒有20粒。

這款朱古力要雪在雪櫃的，賞味限期為一個月，雖然店員已用冰及冰袋包好了，但我還是快快回家雪著較好。

昨晚我已急不及待送出了，老公好驚喜，因為他很喜歡吃朱古力，而我對朱古力就沒有研究的，平時都不會吃太多，因為會容易牙黃，但這款朱古力真的好正，好滑，連阿囡都話正呀﹗但我食唔到有杏仁醬及合桃酒的味.......

好多女孩子都說要在情人節親自整朱古力或送禮給男孩子，真的嗎？但昨天買朱古力時都見到好多男孩子買呀，仲有學生添﹗所以呢，無分的!

My Fan Page:  https://www.facebook.com/sugarlittleworld

 

歲半BB生日會@ Playhouse - 11.2.2012

話咁快慧慧今個月就歲半了，今次媽媽會在黃埔playhouse搞了歲半BB生日會，雖然地點遠，但我諗都唔諗，第一時間報名參加，因為全部都係同齡小朋友，咁樣會好玩D，今次係我第一次自己帶慧慧去參加活動呀，條腰就黎斷啦~~



今次出席既人數比起一歲生日會多人好多，因為地方夠大嘛，一個大人加一個BB $250，仲包飲食及蛋糕，其實我預左無得點食，因為一定要追住呢隻馬騮 .......



活 動13:00開始，我地11:30就起行了，一路搭火車慧慧都無訓過覺豬，到等小巴時才睡，去到playhouse聽到其他小朋友的聲音就醒了，本來諗住 煲好d 粥仔去到食的，但怕佢唔食，浪費我的心機，所以無煲到，點知佢見到人地食，佢行埋去話想食,...=.="....永遠都係隔離飯香的!!  終於到14:00有野食了，個個小朋友坐定定等媽咪拎野食返黎，我拎完野食竟然唔見左佢，原來佢去左第二枱度問人拎餅餅食，激死!!

拎 了一包Qoo芒果汁比阿囡飲，呢包係佢飲既第一包飲品(平日我地唔比佢飲的)，佢好開心咁啜晒，但就唔係好肯食野；好了，到我再出去拎野食時，已經叫佢坐 好，點知同樣地返黎唔見左佢....我周圍搵都唔見佢，後尾有位媽媽問，係咪Sugar個囡唔見左呀? 我即刻走過去，原來佢坐低左去其他小朋友隔離，難怪我搵唔到佢!!

食完野又再去玩過，最鐘意的就是玩波波池，在滑梯sir落黎d波波度， 好開心，笑到卡卡聲；見到人玩跳彈床，又好有興趣但又唔夠膽玩，我離遠跟住佢，佢都算無玩到唔記得我，仲搵返我，好彩!   平日打人推人的行為，今日完全無做到，好乖，等人玩完先玩，仲比人打返轉頭添，原來我既慧慧豬都唔係咁百厭  ^_^



佢 玩玩下波波池，大會叫影大合照，唯有抱佢去影啦，點知開始發癲了，狂喊狂打我抓我，仲要打埋旁邊既媽媽，真係搞到我勁唔好意思，不過到影家庭照時佢又無野 喎，影相哥哥仲讚佢好乖，影完相我即刻九秒九抱返佢去玩啦~~  我又離遠咁睇住佢，我感覺到佢就黎會跌，所以行埋去，點知佢真係跌到訓左係度，喊到收唔到聲，終於可以離開playhouse同佢返屋企了，我又一袋二 袋的又抱起佢去搭車，好在沿途都有位坐。



今個生日會每個小朋友都有一袋禮物，雖然抽唔中十份禮物既其中一份，但可以出席到已經非常開心了，期待兩歲生日會啊~~

 My Fan Page:  https://www.facebook.com/sugarlittleworld

MTM eye treatment 送眼膜定眼霜?? + 矜貴sample

見sis話MTM FB有得做MTM eye treatment 兼送眼膜唔hard sell，所以新年前登記了，昨天就去體驗下。

上 到了MTM，環境幾好，播著令人relax的音樂及有陣陣的香氛氣味，但唔多夠有其他客人。好了，坐下來要填問卷了，最想改善眼部甚麼問題，當然是黑眼圈 及眼紋啦，BA 去調配適合我既eye mask 精華，有銀杏同埋唔記得咩成份，先薄薄塗一層精華在一邊眼肚位，放上乾的骨膠原眼膜，再塗上精華，一邊敷一邊開始做皮膚分析，顯示我除了下巴同面頰位有三 角肌外，其他位置都不堪切想…..BA說其實大部份人都是有黑眼圈同眼紋問題，因為長時間對住電腦唔夠休息，接著便開始推介他們的療程和產品，說做RF好 正架，你有無聽過呀?    我梗係知啦，咪Unipolar同Biopolar囉，佢笑左一笑，好奇怪我會知咁。跟住同我講佢地一樽眼霜$2280，幾好架，可以用到6-9個 月，差不多二百幾元一個月，OK架! 再拎出peeling、眼gel等產品塗上我手試……….

一 邊敷eye mask一邊sell的過程大約為15分鐘，終於完成了，BA替我除去eye mask塗上eye cream，再送上禮品便可走了，但唔係眼膜係eye makeup remover + 2支eye cream及$100現金券，算了，還是儘快離開比較好!

之 後去Estee Lauder換了Advanced Night Repair 7ml試用裝，好靚好尊貴的樽啊~~再去換埋Elizabeth Arden 金裝時空修護膠囊，此膠囊採用革命性CPT活細胞緩紋科技，發揮3倍抗衰老功效，使肌膚變得年輕有彈性，結合八胜肰及錦葵籽萃取物，能促進細胞保水能力， 使肌膚更光滑緊緻、淡化細紋皺紋。

My Fan Page:  https://www.facebook.com/sugarlittleworld

 

價錢大眾化效果出眾 - L'oreal Paris Youth Code 肌底液

早前有雜誌隨書附送L'oreal Paris的Youth Code肌底液5ML，但我還是捨得不買.........幸好早前參加遊戲，得到了試用裝2支，真的好開心好興奮呀!
要皮膚靚靚，當然要打好個底啦，如果護膚品去不到底層，再塗幾貴既護膚品都無用!!

肌底液為水狀，易推開易吸收，1支5ML已足夠用上一星期了，塗上後肌膚變得如絲般幼滑，之後再塗上其他的精華等面霜產品更易吸收，毛孔變得細了，肌膚緊緻了，有了彈性，皺紋亦開始有所改善。



一支貨size的巴黎歐萊雅青春密碼精華肌底液，售HK$279/30ml，價錢大眾化，效果出眾，讚!

My Fan Page:  https://www.facebook.com/sugarlittleworld

開心慶生辰at 神串一

好友2月生日，又鐘意食日式野，剛好1月時見到有團購日式放題就買了，神串一日式放題2小時，買完之後見到網上食評話唔掂，都驚驚地。但都買左了，而且團購買，仲會有紅豆丸子送添….

神串一在The One 五樓，我地約左6:00-8:00pm，大約5:45pm，門口已經有好多人在等了，今次帶埋老公同阿囡出去，佢地都係第一次食放題~~ 還未入座，看看門口的食物及優惠，原來當月生日，每5位就可以免生日的人的費用，仲送壽司蛋糕一個，噢!! 咁我地咪蝕左!! 

飲品：清酒、啤酒、汽水都係任飲的，我地叫左一支冷一支暖，我平時唔飲酒的都要試試，原來冷暖飲黎係會有唔同感覺的，冷的好易入口，而且較甜，暖的有少許嗆喉，但以我唔飲得酒既人都飲到既，就知唔係好勁。

食物方面有好多款，味道都唔差，個口未停過，連阿囡都唔想食自己碗粥仔，叉都唔用咁食到津津有味。

刺身：每款刺身都好新鮮，但款式唔多，松葉蟹、甜蝦、北寄貝、吞拿魚好正，唯獨三文魚不太ok (還見到有銀色的皮及皮下脂肪那層)。

燒物：唔會燒得太乾，上碟前還灑上SALT，惹味~~

手握壽司/卷物/手卷：這些飽肚食物，只叫了少少，蟹肉棒、花竹蝦壽司，好大件，三文魚芒果卷，但食落無芒果的。

沙律/小食：要讚下個霜降牛肉他他，好正，汁好味肉不鞋

一品料理：叫了冷蕎麥面但沒有來，海蟹粥唔見有蟹只見蝦，清酒蜆好多沙，雪花牛肉鍋 (連扁烏冬)，味道清清的，辣酒螺夠辣。

不經不覺已兩小時了，侍應沒有送上每人一客紅豆丸子，我亦忘了這回事，又蝕了!!

好友2月生日，又鐘意食日式野，剛好1月時見到有團購日式放題就買了，神串一日式放題2小時，買完之後見到網上食評話唔掂，都驚驚地。但都買左了，而且團購買，仲會有紅豆丸子送添….

 

神串一在The One 五樓，我地約左6:00-8:00pm，大約5:45pm，門口已經有好多人在等了，今次帶埋老公同阿囡出去，佢地都係第一次食放題~~ 還未入座，看看門口的食物及優惠，原來當月生日，每5位就可以免生日的人的費用，仲送壽司蛋糕一個，噢!! 咁我地咪蝕左!! 

 

飲品：清酒、啤酒、汽水都係任飲的，我地叫左一支冷一支暖，我平時唔飲酒的都要試試，原來冷暖飲黎係會有唔同感覺的，冷的好易入口，而且較甜，暖的有少許嗆喉，但以我唔飲得酒既人都飲到既，就知唔係好勁。

 

食物方面有好多款，味道都唔差，個口未停過，連阿囡都唔想食自己碗粥仔，叉都唔用咁食到津津有味。

 

刺身：每款刺身都好新鮮，但款式唔多，松葉蟹、甜蝦、北寄貝、吞拿魚好正，唯獨三文魚不太ok (還見到有銀色的皮及皮下脂肪那層)。

 

燒物：唔會燒得太乾，上碟前還灑上SALT，惹味~~

 

手握壽司/卷物/手卷：這些飽肚食物，只叫了少少，蟹肉棒、花竹蝦壽司，好大件，三文魚芒果卷，但食落無芒果的。

 

沙律/小食：要讚下個霜降牛肉他他，好正，汁好味肉不鞋

 

一品料理：叫了冷蕎麥面但沒有來，海蟹粥唔見有蟹只見蝦，清酒蜆好多沙，雪花牛肉鍋 (連扁烏冬)，味道清清的，辣酒螺夠辣。

 

不經不覺已兩小時了，侍應沒有送上每人一客紅豆丸子，我亦忘了這回事，又蝕了!!

 

My Fan Page:  https://www.facebook.com/sugarlittleworld

 

消滅頑固脂肪第一擊之不要被我肚子嚇親

話說上星期因貪便宜而敗了五位數字。

昨天正式開始第一堂消滅脂肪療程了，上到Elyze，治療師Emmy出來接見我，之後由另一位治療師Kaly帶我去換衫、做inbody 測試及見營養師，點解唔係一位治療師由第一堂跟到最尾既??

 

測試完畢，輕左0.6kg，依我體重，脂肪應該要有10.5的，但我只有8.5，所以點解我覺得自己永遠都不需要減肥!!  好不幸地個肚好多脂肪及鬆，所以要開始這個消滅頑固脂肪的療程了。

營養師告知我的肌肉比上次多了，肌肉點樣先會增加呢？係要食多D蛋白質，然後做運動，咁就可以了，我無特別去做運動，因為成日要抱阿囡已經當做左啦~

 

與營養師傾談半小時後，開始回到治療室，治療師替我量度手腳背部及肚部。我跟她說未生BB前我個肚365日都有風的，但好奇怪生完之後無乜風喎，佢話係因為藏左係肚裡面，所以點解上次按完後我個肚會脹，又多左放D風出黎........

 

好了，開始療程了，治療師悉心的先開了暖毯，今天做的有Ultrasound、Unipolar、Biopolar。

 

Ultrasound 是用來打散脂肪的，做15分鐘的，先在肚上先放上一磚磚已塗上水份gel 的長方形物體，然後插上電，再綁上膠帶。做這部機會耳鳴的，好在治療師預先同我講，如果唔係，我唔知自己做乜會無啦啦耳鳴。如果大家有機會試這部機，建議唔好平訓，頭部抬高少少無耳鳴得咁犀利。

 

越少脂肪越近骨位，就會越感覺到被超微細既針拮既感覺，做到差不多10分鐘，我個肚腩先感覺到有少少拮，my god，即表示脂肪好厚.....

 

打散完脂肪，就要開始用Unipolar減少縮細脂肪，治療程在我肚上塗上cream，用Unipolar機打圈的進行15分鐘療程，今次的治療師沒有太多用手幫我搓下按下，但手勢都幾好。

 

最後，用Biopolar 做firming了，都是15分鐘的療程，呢部機直達真皮層2-4mm的，而且會發熱，所以做完之後個肚會有少少紅，但沒有灼傷的，完全係舒服既。

 

又來記錄今天效果的時候了，看上去肚腩沒有細了，但感覺上輕鬆了，沒有挺著大肚子辛苦的感覺。

 

每次療程隔7-10天，唔知我幾時先有效果呢?! 又要開始寫food dairy了~~

My Fan Page:  https://www.facebook.com/sugarlittleworld

 

終於試到呢隻啫喱了

成日都好想試下市面上既骨膠原等美肌口服產品，但知道原來人體只能吸收到3%，打消了念頭了。

前排玩遊戲，咁岩得到肌C胎盤素精華啫喱試食裝(三支)，原來莎莎賣緊$19.90，據說一盒正常貨SIZE的蘊含15,000毫克胎盤素，低分子膠原蛋白、彈性蛋白、低份子透明質酸、維他命C、醘胺、燕窩精華，各種成份有咩成效就唔多講了，好多sis都應該清楚過我, hehe~~

 

三天試用裝就有6,500毫克胎盤素，食用7天即有助刷新肌膚纖維織，使膚色通透亮白。皮膚變得細節嬌柔，嫩滑紅潤，我都唔執輸又試下先，試的是芒果味。

 

我每晚在11時才食用，味道是芒果橙味，透明淡橙色的，沒有甚麼特別，就像在啜啫喱仔咁，有無修護、 美白、嫩滑效果？um….我食左三日咋，當然未察覺啦~~

My Fan Page:  https://www.facebook.com/sugarlittleworld