2011年12月15日 星期四

就黎 Christmas 啦

話咁快就12月了,街上商場上已經佈滿聖誕裝飾、聖誕優惠套裝等等,但我都沒有時間去認真看,因為放工要立刻回家,放假就要湊阿囡

但 朋友間同事間的party就未停過,12/18會去火龍果農莊,12/21 UK Team 會搞X'Mas party,佢地話之前都無搞開,今年第一年搞,噢! 太榮幸了;US Team 的舊同事亦有叫我一起參與他們的X'mas,畢竟以往兩年都是跟他們一起過的,但我最後都拒絶了,免得有是非嘛....

Boxing day 就會同一班相識好耐的舊同事gathering,真是整個12月忙不停 ,想到買甚麼禮物更是傷腦筋呢.....

2011年11月18日 星期五

阿囡十五個月大了

慧慧十五個月大了, 雖然現在還未識叫人及講野, 但佢好多野都識, 識聽人講野, 婆婆真係湊得佢好好, 如果要我湊, 我諗佢仲係呆豬一名~

而家d脾氣越黎越犀利, 一發脾氣時會大叫一聲, 然後睇下旁邊有乜野比佢扔, 扔完一次執起再扔, 真係好搞笑.

2011年11月3日 星期四

搬新OFFICE


31/10正式在新OFFICE上班了, 這裡的環境設備都好好, 但是只有我一個人坐在這裡 (因我是跟歐洲線), 我的組員都坐了在另一個房, 我覺得他們那邊的環境其實不太好, 樓底低又不光猛, 但是應該跟以前一樣有講有笑吧!

上 班了三天, 不知何原故, 旁邊的同事都沒有跟我說話, L姐問我係咪決定同佢地一樣跟返美國線, 基於好多因素情況下 (將來跟的program會否好煩好多鑊、跟返而家個program適應新同事定點....), 我都唔知點決定好........我覺得而家歐洲線可以準時收工, 但美國線就難講d.........唉......見步行步

沒用的我, 上班第四天就病了, 我懷疑是因為飲水機的接觸位令我感染的, 因杯邊要貼著水位才出水, 要想想辦法先得...

2011年10月15日 星期六

慧慧學行時間表


慧慧婆婆話,細路仔做野有時有候的,哈哈,慧慧在中秋節那天自己肯落地行路啦,個刻好開心,拖住佢行既感覺好特別

到了13個月,慧慧已行得好穩,唔洗人拖,仲想走添~

仲要忙到幾時

由9月初到現在,一直忙過不停,原因是公司被收購了,工廠搞得一團糟,受苦的是我們香港同事還有客人,10尾就要搬到新office了,還要到何時才能結束朝9晚9的工作?

2011年1月14日 星期五

阿囡食全奶粉了

因為我沒有飲谷奶的湯水,只喜歡每天一杯咖啡,終於今天沒有奶給阿囡飲了,阿囡今天正式開始全奶粉.....