2012年2月27日 星期一

第四次療程效果 及 營養師給的忠告

享用完咖啡及蛋糕後去做機能瘦身了,已經去到第四次療程了,體重稍為重了,97.6kgs。要去見營養師,本來是面談廿分鐘的,卻給她忠告了一個小時,點解?因為佢睇我既food dairy,成日食蛋糕、朱古力、咖啡、魷魚、牛腩、排骨、豬頸肉………全部都係會導致高膽固醇及高脂的。

我自問都唔會食亦唔鐘意食肥膏雞皮等,炸野亦少吃,都算節制。但原來就算食瘦既肉類 (近骨位的肉),屬於飽和脂肪酸,都係高脂的。 營養師再跟我討論了好與壞的脂肪。

壞的脂肪–飽和脂肪酸、反式脂肪酸
飽和脂肪酸            壞膽固醇 ↑    好膽固醇 ↑
在室溫呈固體狀的,有關食物有:動物脂肪、肉類的肥膏、皮層、排骨、鳳爪、牛腩、牛油、忌廉、全脂奶製品、椰子油、棕櫚油。攝取過量會增加肥胖症、患上心血管疾病等的風險。

反式脂肪酸            壞膽固醇 ↑    好膽固醇 ↓
油脂經過氫化加工技術,把液體的不飽和脂肪酸轉化成固體飽和度高的油脂,有關加工食物有:人造植物牛油、植脂奶粉、起酥油、蛋糕、餅乾、曲奇餅等,增加心血管疾病的風險。

好的脂肪–多元不飽和脂肪酸、單元不飽和脂肪酸        
多元不飽和脂肪酸        壞膽固醇 ↓    好膽固醇 
在室溫多呈液體狀,有關食物含奧米加3脂肪酸,如深海魚(三文魚、鯖魚及鯡魚)、合桃,奧米加6脂肪酸,如葵花籽油、紅花籽油、大豆油、粟米油及葡萄籽油,有助減低心血管疾病的風險。

單元不飽和脂肪酸        壞膽固醇 ↓    好膽固醇 ↔
在室溫多呈液體狀,有關食物有芥花籽油、橄欖油、花生油、牛油果油,有助減低心血管疾病的風險。

營養師還提供了特定低脂餐單給我,要我跟著來進食。我沒好氣的問了一句,唔跟餐單會影響療程效果嗎?營養師說不會有影響,但會影響我既健康。

我除了早餐外,每餐都是媽媽為我準備的,我媽媽太愛煮餸了,要她做一些白烚等菜式,簡直是侮辱﹗何況媽媽準備的,我不能要求太多嘛!  要我餐餐食肉餅烚菜,咁同坐月有咩分別?!再者,由參加療程第一天開始,我已經表明我是不會介口的﹗但為了健康著想,我會儘量配合去做運動。

今天做第四次療程了,治療師EmmyKali會輪流完成我十堂療程,Emmy經驗豐富,所以可一邊做機一邊配合按摩的手法來按肚,而Kali則主要用機時間較多。Emmy說我進度好好,已經去到第二個階段了 (可進一步打散脂肪了)

肚腩好像還是那麼凸,但肚位部份白滑了及有了彈性,沒有之前那麼下墜,左右兩邊的脂肪不平均,所以左邊會較凸。治療師常見我買Activator 去紋精華 (大約$780),說效果會更加明顯,但我不會再花錢了,常說Elyze的機器比其他公司的有效,且看看我不用Activator的效果又會是怎樣﹗
 
晚上又去了Pizzahut,你看,要我介口真的沒可能的!!

2012年2月26日 星期日

意大利GELATO雪糕 + 我不是銀包

有無試過意大利 Gelato雪糕? 雪糕主要成份為新鮮牛奶,低脂、低卡路里,不含蔗糖,空氣含量極低,比一般雪糕更香滑細膩,質感係黏黏的,而且有好多種口味選擇,草莓、芒果、開心果、朱古力、合桃、雲呢拿、超級餅乾、咖啡、Cappuccino、Tiramisu、榛子、奶油焦糖......... 


心大心細,最後選了Tiramisu,一磅裝有幾多呢?登登登登.....就係呢盒了。


Shgl Il Gelato 在葵涌,好在提供免費送貨服務(只限鐵路沿線),拿到雪糕時,非常的硬的,只用普通白色膠袋,沒有冰袋等保凍設備,所以我急急腳的回家了。

"筆"的時候又好軟,急不及待的嘗第一啖,um....好甜,唔似食緊 Tiramisu,奶味好重!  好在唔洗錢買的.....如果唔係會唔開心囉~~

最近都參加了好多遊戲,除了以上的雪糕及土耳其咖啡+心太軟蛋糕,還有今天收到的靚靚仿皮鏡加數款Hanskin皇牌產品試用裝,未收到郵包前,主要想試下sample而已,因為我大把鏡,但Hanskin真的好有心,連塊鏡都咁靚,拎返公司做照妖鏡又得,帶出街又得,讚!
有無試過意大利 Gelato雪糕? 雪糕主要成份為新鮮牛奶,低脂、低卡路里,不含蔗糖,空氣含量極低,比一般雪糕更香滑細膩,質感係黏黏的,而且有好多種口味選擇,草莓、芒果、開心果、朱古力、合桃、雲呢拿、超級餅乾、咖啡、Cappuccino、Tiramisu、榛子、奶油焦糖......... 


心大心細,最後選了Tiramisu,一磅裝有幾多呢?登登登登.....就係呢盒了。

Shgl Il Gelato 在葵涌,好在提供免費送貨服務(只限鐵路沿線),拿到雪糕時,非常的硬的,只用普通白色膠袋,沒有冰袋等保凍設備,所以我急急腳的回家了。

"筆"的時候又好軟,急不及待的嘗第一啖,um....好甜,唔似食緊 Tiramisu,奶味好重!  好在唔洗錢買的.....如果唔係會唔開心囉~~

最近都參加了好多遊戲,除了以上的雪糕及土耳其咖啡+心太軟蛋糕,還有今天收到的靚靚仿皮鏡加數款Hanskin皇牌產品試用裝,未收到郵包前,主要想試下sample而已,因為我大把鏡,但Hanskin真的好有心,連塊鏡都咁靚,拎返公司做照妖鏡又得,帶出街又得,讚!
 

2012年2月25日 星期六

土耳其咖啡+心太軟



做爆脂療程前,我仍不放過品嚐咖啡及蛋糕的機會,難怪被營養師忠告了整整一小時……

這間是樓上Café,中午時段有手工藝/親子班,教整泥膠/紙黏土,晚上時段作Café 用途。我去到的時間是5:00pm,所以老闆娘正在準備Café的食物。
Café地方不大,但被很多雜誌的有採訪過。
原來老闆娘是去土耳其旅行時結識了現在的老公,然後嫁了給他,而她對土耳其文化亦有興趣,所以在港開設了Café及私房菜(共三間)來推行土耳其傳統飲食。
因為心太軟蛋糕需1-2天前預約,所以我已經預早約了5:00pm,還有土耳其咖啡。今次是我第一次品嚐土耳其咖啡,之前完全沒有認識,所以當老闆娘把咖啡放到我面前時,我心想”點解咁細杯既”﹗咖啡用了心形的杯及碟盛著,少少的一杯,不需放糖及奶,老闆娘教我細細啖細細啖的飲。
味道香濃,像朱古力又不失咖啡的苦味,但又不像Mocha,喝了幾口後,已經沒多少了,因為底層有咖啡渣的,咖啡渣好幼滑,佔了咖啡的三分之一,原來這個份量真的夠了,跟越南咖啡一樣,細細杯已夠感受到咖啡的香濃味道,老闆娘還細心的給了我一杯水。據說咖啡渣是用來占卜的啊~

原本預約好的心太軟,等了20分鐘終於到了,又是心形的啊~~ 急不及待的要試試,外脆內軟很好吃。老闆娘奇怪我為何不嘗試一下土耳其的傳統甜品土耳其米飯布丁Sutlac,實不相瞞,其實我未食過心太軟,所以想先試試,下次有機會再試米飯布甸及白咖啡。逗留了在這40分鐘,不斷有人打電話給老闆娘想約晚上光顧,但三間店都約滿,估唔到好多人對土耳其既食物都有興趣喎!
好了,是時候起程去爆脂了。

地址:
第一店 : I Love Istanbul
Facebook: iloveistanbulcafe (土耳其私房菜)

旺角九龍西洋菜南街1A-1K百寶利商業中心134(旺角E2銀行中心出口轉右邊向油麻地方向步行沙沙樓上 信和中心後面)

第二店 : I Love Bali
Facebook: ilovebalicafe (印尼×土耳其私房菜)

旺角登打士街36號恆威商業中心14樓全層(油麻地A1出口步行向彌敦道大街旺角方向登打士街見柬方紅後見金太 郎樓上)

第三店 : Asya Baby Kingdom
Facebook: Asya Baby Kingdom (土耳其媽媽私房菜)

油麻地碧街46號祥興大廈55 (油麻地MTR A2 出口見右邊祥興大廈上5樓轉左見有花白色門 


My Fan Page:  https://www.facebook.com/sugarlittleworld
 

美白淡斑補水? VICHY醫學雙重美白深層亮白精華



很高興終於被TZ抽中試用產品了,試用的是VICHY全新醫學雙重美白深層亮白精華。之前只知道VICHY的補水產品很出眾,估不到進一步向美白產品進發呢。

雙重美白深層亮白深入真皮層來控制黑色素、針對表皮層來防止黑色素形成。
深入真皮層:美白成份深層亮白複合物DRM-WhiteTM有效深入肌膚底層,保護位於真皮層的纖維母細胞,控制黑色素形成。
針對表皮層:新配方蘊合10倍濃度的醫學護膚亮白因子Ceramide WhiteTM,結合UHA有效促進表皮細胞再生,溫和去除色斑。
我的肌膚一向也比較黑,面頰亦有少許斑,很期待試用效果啊~

30ml
美白精華像牙膏般一支裝,Made in France,密封式的包裝,只需扭開白色咀位,然後把銀色的扣環套出,再把白色咀蓋套回扭緊,便可以唧出精華了。


原本以為是膏狀的,原來是液體狀,感覺很滋潤,像塗補水精華似的。


由於我面珠位有色斑,特意地在該位置先塗上及按摩以助吸收,再塗於整臉上。早晚清臉後塗上,用了一星期,色斑暫未有減退,期待三星期後的效果。



My Fan Page:  https://www.facebook.com/sugarlittleworld
 

2012年2月23日 星期四

買了兩對又平又靚又好著既鞋

自從上次在Rabbit買了對platform鞋(淺粉色$299)後,今日諗住去換SAMPLE,點知行過見到減價,又買了兩對 (黑色及啡色),兩對加埋$349,真係抵呀﹗平時個 D 臭膠味既鞋一對都$12x,而家用$349已買到對唔臭款又靚既鞋,太好了 ....hahaha

 

2012年2月19日 星期日

Group Buyer 一週年酒會

成日團購既我,2/18有幸出席了Group Buyer 一週年酒會,平時唔化粧的我,總不能像黃面婆一般的出席吧﹗ 來一個淡粧也是一種禮貌啊~

Rachel K CC Cream - OriginalClinique 均衡完美礦物粉SPF15/PA+++ - Medium
Clinique 唇彩 - Raspberry Glace
Too cool for school 胭脂膏 - pink 



CC Cream - 是上次在遊戲中得到的,濕度適中,遮瑕度不足,但均勻了膚色,控油情況理想,十小時後亦沒有溶妝。



Clinique 均衡完美礦物粉 - 有效令油脂分泌旺盛的部位減少油光,扭動粉盒即可按自己所需磨出適量蜜粉,很幼滑,不會浪費。


Clinique 唇彩 - 是Christmas Set 中的其中一支,我喜歡塗lip gloss多過唇膏,塗上lip gloss後令令的,好有滋潤及精神的感覺。



Too cool for school 胭脂膏 - 這小小一支,唧少少已經夠色了,不用太多,否則會變紙紥公仔;用印的方式打圓圈地慢慢推開,容易使用。



因怕嚇親阿囡,所以沒有化眼粧,這樣也不錯吧~





酒會在凱旋門60樓雲霄閣,今次係第二次黎到圓方呢邊,對上一次已經係睇小豬演唱會了。今次我還帶了媽媽同阿囡一齊出席。


好靚既裝潢,今次酒會有遊戲玩有禮物有飲有食有得影靚相,我諗無幾間團購可以咁樣。Group buyer 提供多元化既團購優惠,而且價錢真係抵,過去一年,幫我地既呢D星斗市民慳左成億以上,難怪成為龍頭阿大。




酒會開始了,每人派了一封$10利是,心想:真好大會給我們的車資,原來我諗多左,實際是用來玩搶利是遊戲的=.='........




其他遊戲還有收賣佬、Bingo等等,我們一組都好落力,得到防水菲林相機一部,在Bingo環節中的禮物仲豐富,iPad 2、吊咀、Pacific Coffee禮券,可惜無我份......




最後祝酒及切蛋糕,比預期時間提前完成了,很開心出席了這個活動,Happy birthday!





My Fan Page:  https://www.facebook.com/sugarlittleworld

永遠抽不中試用而得到的補償

 
自知永遠都不被抽中試用產品,所有唯有發揮師奶仔本色,努力的參加有獎問答遊戲,邊度有得換sample就走去換,皇天不負有心人,比我得到兩份禮品:
 
1. Bio-essence升級版青春緊膚霜-冬日V Face試用套裝乙份(價值HK$91)
2. 清熱解毒『正品藥製龜苓膏』換領券兩張(每張價值HK$42)
 
雖然兩份禮品加埋都唔超過$150,但總算是有一點運氣,多謝 the Ztyle.com.
 
好羡慕得到官燕棧一餐纖燕共2盒(價值HK$396)的朋友們啊~
 

 

2012年2月18日 星期六

點解個汗毛印會咁深?

今晚好忙,放工後要做激光、做消脂、換B5面膜。
 
今天約了去Dermes 做免費激光underarm,講解完便入房做療程,治療師話做完第一定見到分別!
首先在手腕上做測試,睇下適唔適合做激光,OK通過可以做。
 
治療師首先替我剃了一下毛毛,帶上眼罩就做激光了,過程中治療師都好細心的問我痛唔痛,5分鐘後已完成了。治療師問我覺得點,係咪唔同晒,我既回覆係"我唔覺有分別喎"。佢覺得好奇怪我咁答,佢仔細看一下後就知我無講錯,因為仍然有好多毛頭係度。佢話我情況嚴重(底層塞晒),只去到三分一,一百個人都唔遇到一個係咁!我自問平時好少去護理/剃,有需要著背心時先會用眉鉗拔,點解會咁?! 接著佢話我口唇上有深色汗毛印,而家確定做只需$3xxx, 確實唔知由幾時開始,個汗毛印會咁深色(但無汗毛的),治療師沒有hard sell,佢話唔緊要架,join唔join都ok的,態度好友善的。
 
好了,又夠鐘過去隔離Elyse做消脂了,做療程期間我竟然又訓著了,搞咩事咁眼訓呢?! 可能太用神上網了.... 之後去MD櫃位換埋兩盒面膜及其他sample, 唔講唔知,原來呢支Endocare強效活肌修護精華(1ml)賣成$100的!呆左!我又大鄉里了!
 
終於忙碌完了,去左裕一品食麻辣米線(最小辣已經好辣),食完辣野辣個胃,好似食返碗大良燉奶舒服d喎~ 完美了,晚餐盛惠$46。


My Fan Page:  https://www.facebook.com/sugarlittleworld
 

2012年2月16日 星期四

PR的溝通工作好重要- Rachel K CC Cream

好多人都話執輸行頭慘過敗家,好似我咁,知道自己永遠不及別人,唯有努力D
前見到話頭100like Rachel K 粉絲專頁,可得到CC Cream 50ml及化粧袋一個,價值HK$200,我又參加了,好好彩又得到呢份禮物,終於等到2/15開始換啦,滿心歡喜的托朋友派速遞去拎 "一支CC cream加一個化粧袋,點知拎到返黎,朋友話唔係一支喎,係25小包2ml 再加一個紙袋喎......

!! 我無記錯亦都無睇錯架喎,點解會咁架!!  

岩就收到Rachel Kemail澄清及更正禮品為"25CC Cream Sample(2ml)合共50mlRachel K化粧紙袋1".......O 咀了~~

有無sis可話我知,係咪真係值$200?? 呢樣都係其次了,我諗住有個化粧袋可以裝住支CC Cream,方便我出街用,點解而家係sample包裝?  
算啦有禮物都好好了,不過如果下次能夠寫清楚,咁大家都會開心D~~