2010年10月6日 星期三

濕疹又來了

沒有用金銀花籐同阿B洗澡幾天,她的濕疹又來了,明天又要再用來洗澡了......

2010年9月29日 星期三

濕疹

前日老公買左觀音玉比送比慧慧,唔知係咪因為條紅繩搞到慧慧敏感還是真的是要開始生濕疹,慧慧耳仔下邊、面珠同心口仔都生晒粒粒,媽咪摘了些金銀花同慧慧沖涼,希望快d好返啦;打卡介苗既位置,又含膿,唉!!好心痛呢~~

2010年9月27日 星期一

打乙型第二針

今日返健康院檢查黃既指數,好開心,d黃已經消失了,醫生仲話慧慧既體重進展得幾好,有4.18kgs,跟著就等打乙型第二針,慧慧打完針後不停喊,好在 婆婆係度,慧慧好快就唔喊了。由慧慧出世到而家,好在有媽咪在旁照顧,否則,我一定搞唔掂~~

2010年8月29日 星期日

B囡有點黃


8/28帶B囡去健康院,醫生話BB有點黃,然後就轉介去那打素照燈了,照了一晚燈,雖然指數低了,但還是未可以回家呢;明天等醫生打電話來,希望有好消息啦~~

2010年8月25日 星期三

B囡終於出世了


B囡真的如我想像早了兩天出世了。

8/22早上6時多,我感覺到好像要穿羊水了,我就立刻起床去洗手間,一坐下來,就不像平常小便的感覺,我回頭一看,水是混濁的,而且紙巾上有淡淡的紅色,我更加確定是時候要入院了,於是立刻叫醒老公,準備搭的士去威院,好在在的士上沒有再流羊水。

上到登記處,姑娘替我檢查後,羊水就不停地湧出來,然後就說我可以換衫入院了。到10時多,又有一名醫生來替我檢查,是否真的穿羊水,我就跟她說,真的已穿了很多了,但當然她仍然會伸手再檢查,檢查後,羊水再不停地湧出,她還說,正常的,流開就會繼續流……直到中午12時多,陣痛還是每10分鐘痛一次,檢查後只有一度,到了下午3時多,陣痛雖然變了每5分鐘一次,但還是只有一度;媽媽大概下午6時多來到,在我還行到的時候,便扶我去沖涼。直到7時多,陣痛還是每5分鐘一次,但那種痛的程度,已去到痛到震及流冷汗,我只想將個枕頭蓋住自己個頭,我還感覺到自己在流血了,我同姑娘講話流血了,但她竟然答我,你穿羊水咋….!! 直到10時多,我真的頂不住了,我再跟剛剛的姑娘說,真的好痛呀,今次因為我把被子也推開了,她見到我是流血了,就問我甚麼時候開始流的,我真的忍不住寸她,剛剛跟你說時已經流緊了~~~ 然後她再幫我檢查,已經六度了,立刻準備要推我到產房了。

到了產房,陣痛還是一樣,姑娘時痛就聞氣,聞氣會無咁痛,我聞了數下,不覺得有甚麼分別,我聽姑仔講過,聞氣會”wing wing的,我奇怪為何我沒有這種感覺的呢~~ 途中有一條喉甩左,助產士還說沒問題,那條是廢氣喉,她們到底是給了甚麼氣我聞呢??

一直到了12時多,還是只有六度,直到大約二時多,醫生說BB心跳有點慢了,而且已開到9-10BB頭仔已在門口,叫我必須儘快生出來,一痛便用力生用力生,終於BB出世了,接著我對腳就震過貓王;助產士叫我抖抖,醫生等一陣會替我縫針,就這樣,一等便一個小時了,醫生用了半小時替我縫針,當中我感覺到她好像縫錯了,然後拆過再縫,否則應該15分鐘便完成了的。之後,姑娘抱了BB過來給我餵奶,感覺好奇妙,終於可以將BB貼埋身了。

訓了三天醫院,不論轉身、睡覺、行路時都好痛,我以為是傷口影響,所以無理會,照出院了。但到出院後的晚上,在我轉身的時候,兩邊大脾位及三角位在咯咯聲,我便知道這不是傷口的痛了;媽媽翌日早上便立刻CALL白車和我一起到北區,照x-ray後沒問題,應該是我生產時大脾角度太大,引致肌肉未能適應,要時間等慢慢好過來。

2010年8月13日 星期五

38W2D 胎水少


今日去健康院檢查,訓左落床之後,醫生想摸到BB個頭仔,"禁"左三次,又量左兩次SIZE,話摸唔到個頭,估計已經落到盤骨位,都差唔多啦,上兩個星期 都已經話左進入左啦!!! 呢個醫生唔係上兩次睇個個,又話胎水少,完全摸到BB的手手腳腳,我問佢,胎水少會點架?? 佢答我既答案係,少又唔得多又唔得架,你要唔要即係入威爾斯婦產科檢查,如果唔係既就幫我約期去威爾斯既門診檢查,最後我揀左約期....佢又話我隨時生 得,呢點我都知道,因為我都覺得墜左好多......

不過比個醫生咁講完,有D唔開心同擔心.........聽人講胎水少的話,BB皮膚又會黑D.....


P.S. 8/18檢查完,照完超聲波,好在醫生話胎水同size都正常,可能係我瘦,所以先會咁容易摸到BB,安心了.

2010年8月9日 星期一

37W6D


最近一個星期已經累到不想行路了,好彩,返多兩日便放假了....
同事們還特別跟我吃了頓午餐,還送了禮券給我,真的謝謝他們呢~

2010年8月8日 星期日

個肚圓定尖, 根本唔關事係仔定女的


由開始現肚, 就比一般孕婦佗得低, 所以出到街周街d人都用d非常奇怪既眼光望住我個肚, 仲話"嘩, 呢個係仔黎架"......但我睇過私家同政府都係確認係囡囡黎的, 所以個肚圓定尖, 根本唔關事係生仔定囡的!!



2010年8月2日 星期一

扣我產檢假錢


豈有此理!!! 竟有扣我產檢錢 !! 我一定會據理力爭的!

孕婦接受產前檢查的每一天,而能夠提供到醫生證明書(病假紙),即可享有 4/5 有薪病假,這條例係所有人都知道架啦! 公司既人事部都唔知停留係咩年代,竟然話公司每月只有一天全薪病假,不論員工是發燒/感冒/產檢,只要員工放了那天全薪病假,該月裡就算再提供病假紙,都 不會享有有薪病假! Oh Shit! 究竟明唔明乜野係生育保障條例呀?!
比埋勞工法例人事部睇,都話要扣錢,仲話以前都係咁計,個個放產檢都係咁計,那又如何!! 並不代表你是對的,而且勞工處職員已確認我既concept係正確,所以我一定會據理力爭的!!

P.S. 最後,公司竟然用了個合法但係又唔係最好的方法黎計病假同產檢假錢比我,真係賤!!

36W6D - 就黎放假了

返到下星期三就放產假了,從上星期開始已飲白蓮鬚蛋糖水、腐竹蛋糖水、雪糕了.....

不過最近訓覺就訓得唔係咁好了, 每逢夜晚﹐個肚都會硬晒﹐然後條腰就扯住痛﹐連轉身都轉唔到﹐又覺得好急要去厠所.....仲之就無得訓﹐不過唔緊要﹐B囡過多幾個星期就出世了 ^_^.....