38W2D 胎水少

今日去健康院檢查，訓左落床之後，醫生想摸到BB個頭仔，"禁"左三次，又量左兩次SIZE，話摸唔到個頭，估計已經落到盤骨位，都差唔多啦，上兩個星期 都已經話左進入左啦!!! 呢個醫生唔係上兩次睇個個，又話胎水少，完全摸到BB的手手腳腳，我問佢，胎水少會點架?? 佢答我既答案係，少又唔得多又唔得架，你要唔要即係入威爾斯婦產科檢查，如果唔係既就幫我約期去威爾斯既門診檢查，最後我揀左約期....佢又話我隨時生 得，呢點我都知道，因為我都覺得墜左好多......

不過比個醫生咁講完，有D唔開心同擔心.........聽人講胎水少的話，BB皮膚又會黑D.....


P.S. 8/18檢查完，照完超聲波，好在醫生話胎水同size都正常，可能係我瘦，所以先會咁容易摸到BB，安心了.