渣打藝趣嘉年華 2012

以前返五日半，就算放假都想休息下，感謝現在返五日，多了時間陪慧慧，但我也不想跟她只待在家或行商場，知道有活動舉行，我當然要帶她出去玩玩或見識一下啦，今次係Victoria Park，對於我這新界人黎講，係非常之遠，而且車錢都幾貴，好在儲了幾張十送一，一家三口可以出去渣打藝趣嘉年華。


嘉年華有好多攤位，手工藝方面的有整長頸鹿帽、薯條帽、花炮、眼鏡、紙牌獅子；玩樂方面的，有擲小丑牙、拋圈圈；仲有好多小朋友及大人都會試試的畫花面。


慧慧好興奮咁話我知個邊有野玩，是甚麼東東呢？

就是畫花面啦，都要排成三十分鐘，但慧慧都算乖，一路跟著排隊，到畫花面時又坐定定比姐姐畫，慧慧選了這款蝴蝶仙子，係咪好襯佢好可愛呢？ hehe~

本來爸爸排隊整薯條帽，但兩小時後都未到，慧慧已叫肚餓要食雞脾了，所以最後放棄了。


吃過雞脾後，又到巡遊時間了，有好多大型木偶/動物，都是由年青人扮演的，慧慧睇得好開心，希望她日後都能夠多參加活動，擴闊視野，做個開心樂觀的人。