美白淡斑15分鐘，咁就$2700? 係咪真架？

之前收到短訊，可以到OMC (Oasis Medical Center)免費預約醫生主理Spectra分段激光美白淡班療程，價值$2700，我又未試過，梗係去試下啦。又有一個比人sell我買療程既機會……..

上到了Center，職員好貼心的給我一杯暖水，再填填個人資料，然後就見醫生，醫生說我眼袋及面頰下陷，是底層骨膠原流失，導致蘋果肌鬆弛，建議我做Sculptra Review自生膠原回春療程，以激發面部深層骨膠原再生，可維持兩年。其實自從我生完阿囡之後就出現呢個情況，我都知道呢個療程好適合我，但應該都幾貴下，所以我無再詳細問，他們亦沒有hard sell，還給我分析了市面上骨膠原飲品及透明質酸的成效，他說骨膠原飲品其實是無作用的，因為飲了下去到胃部/血液的實際沒有多少，而且亦會經尿液排出；另外，他說透明質酸只可作補濕作用而已。 

**  後來我上網查一查，原來一個完整的療程有3節，每節需要注射1至2瓶。整個療程需要注射3至6瓶，每瓶價錢約一萬五至二萬元。劑量因各人的皮膚狀況而定。嘩嘩嘩! 要幾多錢先搞得掂呀?? **

http://www.lasercareskin.com/services_sculptra.html


好了，美容顧問帶我到房中清潔面部，是自行清潔才對，枱上有清潔棉、make up remover、 水等等….(還以為他們會像美容院般替我做一個facial…..)，然後拍下照片做記錄。我亦向她們表明了我要拍照給其他Blogger看看，她們亦答應了。

及後，醫生到來用Spectra機替我開始做激光美白淡斑了，我是第一次做激光，估不到比無針導入還要痛，因激光是有熱力的，所以一邊做激光一邊有風機吹出以減低熾熱感，但一邊做一邊聞到燶味，我好驚呀~~ 大約5分鐘，就咁就完成了。然後美容顧問拿出冰袋給我敷2分鐘，再替我搽toner及lotion，完成了。

美容顧問問我會否join療程，我拒絕了，因為我好驚，然後她們很有禮貌的給了我護理貼士便讓我走了。唔知佢地係咪知道我會PO 文，所以亦沒有hard sell我就讓我走了，真好。

整個療程包括見醫生，只用了15分鐘，大家覺得點？有沒有甚麼分別？話明係療程，梗係要幾次先見效的，所以我唔覺有分別。

如果呢次療程真係要我比$2700，我會好肉赤囉~~

回家洗面時，還聞到燶味，是心理作用嗎？