是維他錫蘭檸茶惹的禍嗎?

12/30慧慧見我在飲維他檸茶，佢又話要飲，咁唯有比佢飲兩啖啦! 凌晨四點佢無啦啦嘔液體，到了五點嘔固體， 見到佢嘔完後佢自己都好驚，我都好驚，點解無端端會咁架？係咪佢偷飲左兩啖錫蘭檸檬茶所以咁呢？ 

 

囡囡眼定定訓在床上，我又眼光光怕佢再嘔，大家又再訓著了。到早上十點，囡囡跟平常一 樣，起身就笑又 在講野，之後就比奶佢飲，諗住無事啦，點知放開奶樽兩秒後，囡囡即時反胃，原先奶從口流出，跟住從鼻 流出，然後再噴射式口鼻一齊噴奶，真係嚇死我！飲幾多噴多！同樣，囡囡知道自己噴奶都好驚。呢個情境 除左佢一個月時試過一次外，就無發生過（因那時胃仔細，未完全發育）。 

我同老公即係同佢去診所，點知要等個半鐘，最後媽咪叫我搓慶d油按摩囡囡肚仔，過左無幾耐，囡囡痾左 兩次非常非常臭既便便，原來係肚仔有風。 

照顧小朋友真係唔易，小孩有病，父母就最擔心，希望各位小朋友都身體健康，快樂成長！