新界區酒店自助餐來說，我和家人最常去到帝逸酒店Alva House，因為有供應生蠔、多款海款、多款特色甜品，還有自家製榴槤雪糕、蛋糕等等，超多美食﹗
今次Alva House推出的「粵．嚐．食」海鮮自助晚餐，嚴選甘美海鮮及山珍海錯入饌，炮製出多款經典手工粵菜；當我以為已經每款都嚐過之際，怎知道又再捧出新款美食，只恨自己胃口太細，我真的投降了﹗
首要推介的，是迷你佛跳牆，包括了花膠、鮑魚、瑤柱，雞及腳筋，分別以燜煮至入味軟腍後，再以原隻鮮雞及豬骨熬煮的高湯燉製，湯頭濃郁而清澈，鮮香甘甜，喝後特別暖胃驅寒。
接著旁邊有一口爆汁的熱騰騰蟹粉小籠包，以及由新鮮蝦頭熬製成綿滑粥底再配上龍蝦、鮑魚製成的鮮味龍蝦鮑魚粥。
高級海鮮美饌，有龍蝦、長腳蟹、麵包蟹、青口、翡翠螺、凍蝦，即開生蠔，鮮甜爽嫩，我至少要食半打。
鮮美刺身丼，有厚身帶子、綿滑拖羅蓉、三文魚籽、海膽，超正﹗多款刺身選擇，必食阿根廷紅蝦，鮮甜美味。
天婦羅及爐端燒一區超多款式，即炸即燒，確保享用時最新鮮熱辣，另有鵝肝多士。
背面一區有龍蝦什果沙律、蟹肉牛油果芒果沙律、海蜇手撕雞沙律、泰式鳳爪沙律，好吸引，忍不住每款試少少﹗另有多款沙律配料、巴馬火腿拼哈蜜瓜、凍肉拼盤及芝士拼盤、原個及切粒水果。
燒味區，有中式燒乳豬、即烤即片的秘製片皮鴨、五香牛展、切雞、滷水豆腐等等，乳豬烤得香脆，好快被清，無緣一試；片皮鴨伴以特製的山楂條、喬頭，洋葱絲及木瓜條等特色配菜，特別美味。
熱葷區有以新鮮龍躉炮製成辛香兼備的酸菜龍躉片、杭州排骨、花膠鮑螺片、豬腳薑、香煎魚柳、白酒青口、紅酒牛尾、海鮮意大利麵、南瓜蟹肉意大利飯！我特別喜歡酸菜龍躉片及杭州排骨呢﹗
烤肉區有燒牛肉及威靈頓牛肉、燒羊髀、豬頸肉等等，燒牛肉入口幼嫩，牛味濃郁，好吸引﹗
麵檔提供多款麵餅及材料以供選擇，想吃清淡的烚菜也可以啊﹗
印度美食區，有迷你薄餅、印度薄餅烤餅、印度咖喱羊肉及雜菜。
記得記得，一定要留肚食甜品，超級多款式，單是榴槤系列已經有幾款，自家製意大利雪糕，有榴槤雪糕、陳皮老薑雪糕、蘋果山楂雪葩及蜜柑雪葩，每款味道都好突出，不用選擇，全都要一球就對了﹗
榴槤斑蘭慕絲蛋糕、榴槤卷蛋、榴槤奶凍、炸榴槤球、雪燕冰花燉蛋白、烏龍茶寒天芝士奶蓋、斑蘭椰青糕、青提麻糬蛋糕、Lotus焦糖餅乾咖啡芝士蛋糕、鮮雜果千層酥、焦糖燉蛋、楊枝甘露等等，多不勝數，好彩有朋友同我一齊食，我才可以試多幾款。
大廚更特別炮製出麻雀造型的千層馬拉糕，寓意新年發財，好有心思呢﹗
還有Haagen-Dazs杯裝雪糕啊﹗
除了中西湯、木瓜雪耳湯水、也設有紅茶、檸茶及自助咖啡機，無限供應啊。
「粵．嚐．食」海鮮自助晚餐
推廣期：2024年1月15日至3月24日晚上6時至9時30分
星期一至四：成人HK$758，小童HK$458，長者HK$570
星期五至日及公眾假期及其前夕：成人HK$828，小童HK$488，長者HK$620
網上訂座可享高達75折優惠：https://www.alva.com.hk/tc/dining/alva-house.html
Alva House
沙田源康街1號帝逸酒店1樓
~ 多謝收看 ~
歡迎與我聯絡
Email: sugar_tang77@hotmail.com
沒有留言:
張貼留言