賞嘗美園地: 失敗之作 ‧ 遲來的團購玫瑰花

2012年3月2日星期五

失敗之作 ‧ 遲來的團購玫瑰花

上次同朋友團購去整芒果mousses 蛋糕，今次同同事去整cake。

2月初已購買了，個個都想情人節前完成送出，但呢個cake太受歡迎，直至3月1日先有位比我地上。團購上商品介紹註明”會員以至激價$159購買價值$320烘培卷跟酒店級餅師學烘培，且課程天天不同，參加者可選擇自己喜歡的款式報讀。朱古力香蕉慕士蛋糕、朱古力熱情果慕士蛋糕、雲石芝士凍餅、檸檬芝士蛋糕、荔枝紅桑子慕士蛋糕”

嘩! D蛋糕款都幾正喎，$159就整到咁有特式既蛋糕，抵喎!! 於是團購成功後立刻打去預約，點知個電話永遠係唔通、長响、接通左一秒後cut線!! 好都黎埋，因為係我問同事去唔去整，同事又被晒錢我，唔係咁下話!!

好在呢個世界有Facebook，add左佢地之後，在佢地個wall問點解無人聽電話、點book堂等事宜，果然有效，立刻回覆並成功預約了， Facebook的其中一個功能就是這樣~~

預約課堂中，負責人告知我們需多付$20，點解呢？

我地都係揀返團購卷上所顯示的朱古力熱情果慕士蛋糕而已，點解要加錢呢？

佢既回覆係 ”那個蛋糕原本要$340，而烘培卷只係價值$320” ，我即場呆左 =o=”，團購咁多次從未試過咁的﹗ 這次團購有點兒騙人的成份!!!!! 但我們最終都確認整呢款，因為似酒店級，好特別。

由於課程需時兩小時半，負責人必須我們最遲7:00PM去到，真係趕到痴肺!! 在搭lift途中6:56pm負責人已打黎催了…….

整個課程共12人，由於我們已佔7人，所以好似包堂咁好好玩，課堂上有靚仔阿sir Eddie及一個負責清潔的姐姐，課室不算大，有三張枱，焗爐亦不是大型的那款，而是家用焗爐。

開始了開始了，首先要整朱古力海棉蛋糕，過程蠻順利的，焗出來亦好靚。把蛋糕切平，然後切邊 (這樣是為了令慕士覆蓋海棉蛋糕)，再一分為二。

到了朱力古及熱情果慕士部份了，一張枱一組合力把慕士完成。

把一半的海棉蛋糕放底，倒入朱古力慕士，再放第二片海棉蛋糕，輕輕壓一壓，再倒入熱情果慕士，不要倒太滿啊，要預留倒上熱情果啫喱呀! 好了，放入雪櫃雪硬。

同時，開始最最艱辛的環節–預備玫瑰花瓣。就是這舊紫色物體 (阿sir那舊是粉紅色的)，由白朱古力加唔知咩膠再加色造成的。把它分開一半，碌到不黏枱及可以切條，然後再cup一個半圓 (切玫瑰花用的)，總共要35瓣。完成後，再用另一半紫色物體，搓好後用刀仔劃一個半圓出來 (圍邊用的)，搓呀搓，還是差兩塊大的半圓，阿sir幫我完成了。